نصائح ايام الخطوبه

أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشويفها بعد الجواز
المهم نصائحي لك عند أي عزومة مع خطيبك

1- الشوكه والسكينة

الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا م البوز زي الخنجر ولا من فوق طبعًا

2- العيش

العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروَّحي إبقي حِفِّي زي مانتِ عايزه

3- الشوووربة

بند الشوربة ده مهم جدًاااا
أبوس رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزك تنسى تمامًاالسلطانية اللي بتقيميها على بقك ف البيت وتدلقي على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة

4- الرز

طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة

الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك

مشكلة
شوفي
بتفصلي اللحم عن الشوك ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري

إذا كنتي عارفاه
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبرياية بالشوكة
أنا فى عرضك إنسي المصمصة دلوقتى

8- البطاطس

سواء مسلوقة أو محمرة
أوعي تهرسيها وتدبيها على الرز وتدي
لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

9- الفاكهة

لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- لما تخلصي

ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا أودامي أسبوعل هابطل أكل فيه
وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت لإصلاح ماكياجك
وتخشي التواليت وتطلعي من شنطة إيديك
لفة الفول والطعمية اللي جايباها معاكي
وبالهنا والشفـــاء

[/size]

ههههههههههه

مرسى اسلام

طب ولية البلاوى دى كلها
انا عرفت لية نسبة الطلاق ارتفعت
مهى بتبقى فى الخطوبة كدة وبعد الجواز كلة بيبان على حقيقته ربنا يستر

النبي عربي يا برنسيسة ميمي أنا لو لاقيتها بتتعامل كدا هاعرف على طول إنها قرأت الموضوع بتاعك دا شكرا على التوعية

احمد كمال
انا راى ذيك على فكره انهم بيمثلوا على بعض قبل الجواز

فى رأيي إن اللى بيعمل كدة عبارة عن شوال غباوة مقفول حد يعرف ليه ؟؟؟

ليه يا اسلام

تسلم ايدك

والله لو فى بنات بالنوعية دى يبقى نصيحة مفيش شاب يقكر ينزوج ابدا

شوال غباوة لإنها بتجيب لنفسها التعاسة طول حياتها لما تنكشف على حقيقتها

انا معتقدش ان فى ولد تحاولى مجرد المحاوله انك تعملى قدامه كده

لانهم انيل من كده ويفضحوكى فى اى مكان

وقال يعنى هو كمان مش ممكن انه يترسم وبعد كده تلاقىكى صمتى ووقعتى فى بصله

تعااااااااقيد دى يا يسرا ؟؟؟ هههههه

لا مش تعاقيد يا اسلام بس دى حقيقتكم فعلا كلكم كده
وكمان ده راى من فيكم من غير حتى ما اشوف نموذج
لان اللى عرفتهم كلهم كويسين اه فى منهم لا بس مش كتير
لان حتى اللى اعرفهم معدودين
وكفايه الوحش يدل انكم كلكم واحد
angry 2

مهو برده ذى مفى ولاد كدا يا يسرا في بنات كدا
دا جواز يعنى المفروض هوه لو عايزها تقله على كل حاجه ويقبلها بعيوبها
والولد هكذا

لا لا لالا انا عندة حاجة اسهل لما يقولك تعالي ناكل برا قوليلة لا ياروحى انفلونزا الخنازير في البلد .....ههههههههههههههههه

هههههههههههههههههههههههههههههههه
موضوع هاااااايل يا ميمى بس انا رايئ انك تكونى على طبيعتك احسن
مفيش احسن من الطبيعه والتلقائيه
واكيييييييييي eyes

يد طبيعتك مش هتكون بالوحااااااشه دى

كيلوا باترا
الف شكر يا قمر

كوكى
فعلا يا كوكى مفيش احلى من الطبيعه وهو لو بيحبك يحبك كلك على بعضك

ههههههههههههههههههههه
ديه حرب مش اكل
ولا خطوبه
بس نايس توبيك

طب ليه كل ده
طب ماهى اكيد باينه خالص
انا شايفه انا مفيش داعى لكل ده
مفيش احلى من الطبيعه
عشان الصدمه بس
smile 2

نصايح بقي متجربه يا لولا
طبيعتك احسن بكتير اووووووووووي

الموضوع حلو أوى ولذيذ بس احسن حاجة ان الواحد مننا يتصرف على طبيعتة واللى طالع من القلب بيكون احسن بكتير من التصنع

توبيك حلو يا ميار
بس انا رايى من راى البنات نكون على طبيعتنا احلى
اللى عاجبة عاجبة واللى مش عاجبة مع السلامة
نصائح ايام الخطوبه 36083117

sh3nonet 3brry Like a Star @ heaven

علا

ولاء عبد الرحمن

ياسمين سعيد محمد

مرسى على المرور الاكثر من رائع
وانا اكيد معاكوا في رايكوا ان الطبيعه اكيد احلى

مرسى يا جماعه